اسف على التاخير ممكن حضرتك تحملها من فوق على الميديا فاير او من هنا على الميجا ابلود
يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي فرشة قروبة لها شعر صغنون
ومعاها أنبوبة بتطلع معجون
آخد من ده على دي وألمع أسناني
وأسلك ع الهادي وأرجع ألمع تاني
الصف الفوقاني من فوقه لتحتيه
والصف التحتاني من تحتيه لفوقيه
وبكده لا بتتلوث أسناني ولا تسوس
وتلالي ابتساماتي وأضحك كر كرررررر
يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي صابونة شقية مكارة ولعبية
لما بغسل وشي بتشعوطلي عينية
وأما بغسل إيدي تتزفلط في إيدية
تتزفلط تتنطط أو تسقط في المية
آه منك يا صابونة يا شقية يا مجنونة
بتقلي وتقلي لما حتبقي ملي
ويا ريتك ما تكشي إلا لما اغسل وشي
رغي يا حلوة وهاتي ده أنا عمري ما هـ فررررر
يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
عندي فوطة وفوطة يا سلام على فوطيني
دي فوطة صغنطوطة بصابونتي تحميني
ودي فوطة ممطوطة بعد كدة تغطيني
أطلع وأنا مبسوطة ومشطي دا هو في يميني
وتسرحلي سنانه ما هو لازم وضروري
حتي لو بجنانه عضعضلي في شعوري
ولا أدمع ولا أعيط ولا أصرخ وأظيط
ويا محلى فيونكاتي لونها دهب مصفر
يا أصحابي وصحباتي هنا ومحلك سر
بصوا وشوفوا حاجاتي إنما إيه في السررررر
للتحميل
من هنا
[ندعوك للتسجيل في المنتدى أو التعريف بنفسك لمعاينة هذا الرابط] وانا اسف على التاخير ........وشكرا
الجمعة يوليو 02, 2010 7:55 am
